تقييم ماتش غانا

الحضرى : لا حد شتمك و لا حد صفر ضدك و مع ذلك الهدفين كانت ايدك مفكوكة فيهم يا ترى ده حظ وحش و لا مستوى نزل؟

هانى سعيد : مستوى جيد رغم الضغط عليك باللعب 4 - 4 -2 و مع ذلك مستوى سىء جدا مع الزمالك بالرغم من اللعب بطريقة 3-5-2 ... غريب يا هانى

وائل جمعة : كالعادة الاسد الذى لن يشيخ

احمد فتحى : لم تظهر كثيرا و كنت مظلوم فى مركز الوسط

حسنى عبد ربه : مستوى عشوائى ارجو ان يتحسن

محمد شوقى : كنت اضافة هجومية قوية وثغرة دفاعية كبيرة ...بالمناسبة هم الحلاقين قفلوا فى انجلترا؟

احمد حسن : متحرك و سريع و اداء طيب.. بس لو كنت جبت جون

عمرو زكى : علامة استفهام كبيرة جدا على هذا الاداء و مفيش تفسير غير انك اتحسدت

زيدان : تعاون مع زملائك و اسرع من كرتك و ستجد نفسك فى الارسنال الموسم القادم

المحمدى : رجل المباراة الاول و ربما افضل مباراة لعبتها فى المنتخب

عبد العزيز توفيق : لولا انى رأيتك بالصدفة فى التليفزيون لاعتقدتك اننا نلعب ناقصيين

محمد بركات : كنت بتلعب انت و مضايق .. هى مش الخناقة خلصت؟

عماد متعب : حمد الله على السلامة يا راجل... كنت فين؟

محمود فتح الله : لو كنت جبت الفرصة اللى ضاعت كان هيبقى مبروك على الزمالك مهاجم سوبر جديد

حسن شحاتة : تغييراتك منطقية و اداء قيادى جيد فى الملعب ... بس ابوس ايدك بلاش 4 -4 - 2

الجماهير : بنلعب مع غانا و بكامل نجومها و مع ذلك الاستاد كان فاضى هى التذاكر كانت غالية للدرجة دى؟