ازاى تكون بارد وكووووووووول جدا جدا !!

بسم الله الرحمن الرحيم
بعد السلام والتحية انا هكتبلكم موضوع خدوه منى هدية اللى يجربه وينفع معاه يدعى لية واللى ياكل علقة بسببه اوعى يدعى علية المهم ان كفاية انك تقرا الحاجات اللى جاية ديا...........................
طبعا اى واحد مننا بتعرض لمواقف جادة فى حياته فى مواقف بتبقى مش عاوزة هزار زى المستقبل والامتحانات والحاجات دى يعنى وامور الدين الحاجات دى مش محتاجة ومش محتمله الهزار.
لكن فى مواقف بنقابل فيها ناس بتخنقوالبنى ادم ده بيستمتع لما يشوفك مضايق انا بفضل الله هقولكم
على طريقة جامدة نار للبرود يلاا نبدا:
* اولا : لو كان اللى قدامك مضايق قوى وانت عاوز تخليه يفرقع قوى خليه بيتكلم بجد قوى ومنفعل واضحك
* ثانيا : خلى اى حد صاحبك بيتكلم وبيحكيلك حاجة مهمة ومندمج بقى وعااااايش ولما يخلص قوله:تصدق قصة كلها عبر ومواعظ . بس خد بالك اجرى بسرعة بعد كدة علشان لو مسكك هيقلبك اى حيوان اليف
* ثالثا : احنا كمصريين فى شويه كلام بنقوله غلط انت بقى تستنى الفرصة لصاحبك وتعلق عليه يعنى مثلا
لما يقولك : انت بتتكلم منين؟ قوله بتكلم من بقى(فمى) تقوله اى اقتراح هو يوافق ويقول: ماشى انت تقوله ماشى رايح فين طب ماتغيبش بقى وابقى ابعتلنا جوابات واشياء كتيرة طحن من الحاجات دى
* رابعا : خلى صاحبك بيكلمك عن اى حد زميلكم وفى نص الكلام طبعا مش هيقولك اسمه هيقولك مثلا قولتله
انت هتقوله قولت لمين هيقولك مثلا(تامر) انت تقوله تامر مين انا معرفوش وانت اصلا مين وايه اللى جابك هنا
* خامسا : خلى صاحبك بيتكلم وبصله وبلم وما تتحركش واعمل نفسك شارب جاز او بنزين او حتى مية نار
المهم انك ماتضحكش هيقولك يا ابنى انت معايا انت تعمل نفسك فوقت وقوله معلش عيد من الاول ماكنتش سامع كويس ولو عاوزه يولع قوله دا انا كنت افتكرك بتتكلم فى الموبايل
على فكرة انا قولتلكم 5 نصايح فى البرود لكن يا جماعة الرود ده موهبة من عند الله هو ممكن الواحد يبرد ويتصنعه بس المهم انه مايضحكش على العموم شكرا لكل واحد قرا الموضوع وياريت اشوف ردود كتيييييير
مع تحياتى Ali Kemo

شكلك بارد ومستفز
بس بصراحة انا بحب اكون باردة
ودايما اضرب من اصحابى بسبب كدة
شكرا على النصايح المستفزة :bball:

دى اقل حاجة بس انا بحب ابرد لكن محبش حد يبرد عليا

ماشي يعم التلاجه علشان كده بتسحب كهربا كتير

لالالا انا مش تلاجة انا فريزر بس وقت اللزوم !!!!! :afro: :afro: :sleep:

أه وقت اللزوم عشان البرود حاجه عيب في أوقات كتير
وعن نفسي ما بحبش البرود ممكن أنفض خالص للحاجه الي مخنوق منها

اه فعلا هو فى مواقف لازم تبرد فيها وفى مواقف ما ينفعش فيها البرود خااااااالص لانك ممكن توقع نفسك فى مشاكل

ماهو علي دايما بارد مش جديدة عليه
وعلي فكرة سيادتك ممكن تقولي يعني إيه( الرود )اللي انت كاتبها
ماهو برود ببرود بقي
هههههههههههههههههههههههه

عادى الرود ده تلاجة بس الفيشة بتاعتها مش محطوطة وانا قاصد اعمل كدة علشان اخنق عليك :lol!: :afro: :afro:

على فكره يا على انت بتتضايق بسرعه ومش بارد لو حد استفزك
يعنى مش زيى
انا لو حد استفزنى بقوله انت اقل من انى ارد عليه وبكده يبقى انا اللى استفذيته


ملحوظه بلاش الالفاظ البذيئه اللى فى الموضوع ولازم تختار الفاظك كويس
انا اسف بس لما تعدل الموضوع يبقى شيل الرد ده