حال طالب هندسة بعد الامتحانات

التيرم عدى كأنه كابوس
كل امتحان زى الدبوس
وانا كنت ناوى أحل وأدوس
بس طلعت يا ناس مهووس
قولت ياريتنى الاقى فنوس
يطلع فيه عفريت محبوس
يقولى كده شبيك لبيك
تطلب ايه انا ملك ايديك
اقوله نفسى اعدى نضيف
واجيب كده تقدير ظريف
اعدى heat و energy,thermo
بجد تبقى يا واد عفريت
يقولى انسى واطلب تانى
ولو مصمم يبقى انسانى
دانا كنت يا عم زمان مشهور
بجيب مجموع يرضى الجمهور
كنت اتمنى اكون ممتاز
اعمل كده اجمل انجاز
بس بقيت يا جماعة ضعيف
لو عالرفع ده يبقى خفيف
قولت ياريتنى طفل صغير
بس الحال يا جماعة اتغير
وآدى الحال كما هو عليه
طب يا جماعة انا حعمل ايه
قولت يا ريتنى اقوم من النوم
والاقى نفسى بقيت دبلوم
بس ده كله طلع اوهام
كل يوم ورا مش اودام
مخنوق, تعبان , زهقان
عندى اكتآب وكمان قرفان
بس انا برده يا ناس انسان
غلطت صح لكن ندمان
ولو لقيت حد فى مدرسة
حقوله يا ابنى بلاش هندسة
دى نصيحة وانا اهو ومجرب
بس يا رب ما حد يقرب
ولسه برده يا ناس محتاس
بس كلامى خلص وخلاص

ههههههههههههههههههههههه

جمييييييييييييلة جدا بتعبر عن مشاعر طلاب الهندسة

وشكلك انت كمان قرفان قرفان من الكلية

هههههههههههههههه

هيا كانت ناقصه تفال يا هشام هههههههه

اكيد الراجل اللي مألف الشعر ده

كان مخنوق من حياته كلها

فقال لما اخنق على بقية العيال

وكده يعني

بس شعر جاااااامد ومضحك جدا كمان

هههههههههههههههههه
جميييييييييييييله جداااااااااااااااااا
ده شعورى انا كمان
وربنا يسترها معانا

قصيدة حلوة جدا

الله عليك يا اتش وعلى اشعارك

حلوة جدا يا اتش

لا بجد عجبتني اوي يا اتش ولو في عندك حاجات تانيه يا ريت تحطها المعلم معلم يا عم وسمعني احلي سلام من هنا لهناك للفنااااااااااااااااااااااااااااااااان هشاااااااااااااااااااااااااااااااااااااااااااااااااااااااام

قشطة يا اتش ايه الجمال ده
ده أنا طلعت أقل واحد فعلا يا عم

ربنا يخليكم ياجماعة علي الردود الحلوة دي
وبالنسبة لروبي أنا مابكتبش أصلا دي شفتها فعجبتني احنا مش قدك انت ونشوان ياعم

ايوة يا عم الناس اللى بتتثبت
ههههههههههههههههههههههههه

بقولك ايه يا اتش الكليه دي خدت اكتر من حقها في الكلام والهري الفاضي

دي لو حماتك مش هتعمل فيها كده !!!!!!!!!!!!!!!!!!!!!!!!!!!!!!!!

بس شوية سجع ايه عجب

قصيدة حلوة اوى يا اتش
بس بردو انت الخير والبركة يااتش

جميله جداااااااا
وبصراحه جبت من الاخر
ولما نشوف الناس اللى مخنوقه دى هتعمل ايه
ههههههههههههههه
وربنا يستر

لا الناس اللي مخنوقة دي مش هتعمل حاجة
بتكلم عن نفسي طبعا
وربنا يستر

يا جماعه هانت جدا كلها ساعات وعاوزين نشوف انتحار وكلام من ده

مفيش حاجة فى الدنيا تستاهل

ايه الجمال ده
بس كلية هندسة دى أحسن كلية
مفيش زيها
الحياة من غير مهندسين زى العربية من غير بنزين
:lol!: :lol!: :lol!: :lol!:

هههههههههههههههههه
جميل اوى مثلك ده يا سنو وايت

بصراحة أخجلتم تواضعنا
أما بالنسبة ل ان انجنير
انتى محسسانى انك أول مرة تسمعيها
يا بنتى انتى نسيتى لما كنا بنتكلم عن الطرق الجديدة ورحت قيلهالك وكمان قولتلك
وراء كل مصيبة مهندس
هههههههههههههههههههههههههههه
:oops: :oops: :oops: :oops:

ماشى ولا يهمك
ههههههههههههههههههههههه