ياتري بتحب قسم إيه............؟؟؟؟؟؟

طبعا خلاص باقي شهرين علي الإمتحانات وأكيد هيجيبولنا استمارات نكتب فيها رغباتنا
وأكيد كل واحد فينا عرف هو عايز إيه.
عاوز كل واحد يدخل يقول هو بيحب أي قسم وعاوز يدخله وليه اختار القسم ده
مستني رددودكم

وهبدأ بنفسي
أنا إن شاء الله هدخل مدني قسم شغله كويس جدا وحابب المجال ده

انا قسم تقفيل كراتين ان شاء الله بس مش الفيوم اكيد وياريت نعرف اراء بقيت الدحاحين والهم على
وانا داخل القسم ده لانى واثق ان الفترة الجايه هاينتشر تقفيل الكراتين احنا فى عصر كرتونه لكل بيت

والله انا مش فارقة معايا لانى كان نفسى اتخصص فى مجال الكمبيوتر لكن للاسف اللى حصل حصل بالنسبالى كهربا زى مدنى لكن بسمع من الناس كلها ان مدنى الفيوم احسن مدنى فى الجمهورية بس كهربا مش واثق فيها مع انهم بيقولو ان شغلها جامد فى المستقبل

أنا بتكلم بجد يابسام ما كتبتش الموضوع ده كتهريج
ياريت يقول إنت عايز إيه بجد
ولا انت بتفكر في تقفيل كراتين بجد
ههههههههههههههههههههه

اما انا والله لسه ماستقرتش علي قسم معين لسه بفكر ولكن مدني اقرب ليه بطريقه كبيره وربنا يسهل

وشكررررررررررررررررررررررررررررررررا للمعلم هشام علي الموضوع الجميل ده وياريت كل واحد يقول هو عاوز ايه بحيث لوحد عارف معلومه عن اي قسم يفيد التاني

وربنا يوفقنا جميعا

DARK NIGHT

شكرا علي مشاركتكم وآرائكم
وأنا معاكي إن هندسة طيران جميلة جدا بس شغلها مش مضمون مش أي حد يشتغل لازم يكون معاه واسطة جامدة وهندسة طبية مش وحشة وشغلها كويس
بس إنتي برضه ما قولتيش اخترتي عمارة ليه
وشكرا علي المشاركة مرة تانية

بس على فكرة انا بسمع ان اللى بيدخل مدنى يقدر يعمل كل شغل عمارة لان كل اللى بيخدوه فى عمارة هو الرسم وبس لكن فى مدنى بياخدو كل حاجة وشغل معمارى اى حد فى مدنى يعمله على الاوتوكات

مدنى مدنى مدنى مدنى مدنى مدنى
انا هخش مدنى لان والدى مهندس مدنى واخواتى الاتنين مهندسين مدنى
يبقى انا هخش مدنى تلقائى لانهم هيساعدونى فى كل حاجه


madany forever

ايوة كلنا فاهمين انت قصدك ان هما اللى هيطبخولك الكوسة يعنى وانت تاكل بالهنا والشفا هههههههههههههههه
انا طبعا بهزر

هو ده الحقد الطبقى اللى بنقول عليه
ههههههههههههههههههههههههههه
ثانيا انا بموت فى الكوسه

ليه كدة ما البطاطس حلوة برضه

لا يا هشام طول ما انت فى مصر اما هتاكل كوسة او ملوخية بس لان دول اللى مشهور بيهم شعبنا

أهم حاجة إننا بناكل في زمن الزعيم..............
هااااااااااااانت

يا جماعه انا مش عاوز قسم تقفيل كراتين بس هاكرر السنه اللى جايه ان شاء الله

طلب الي الادمين بخروج هذا العضو من هذا المنتدي المحترم
حرام عليك يابسام
ههههههههههههههههههههههههه

مين عاوز بسام يخرج الي عاوزه يخرج يرفع ايده ويديله بالقلم علي وشه وشك ياد اطلع بره المنتدي

ان شاء الله هدخل قسم هندسة حاسبات (فى القاهرة طبعا) أو قسم كهرباء اتصالات

طبعا كان نفسي ف هندسة طبية بس خلاص لان شكلي قاعدة ف الفيوم ونفسي ادخل مدني او كهربا ع حسب وربنا يوفق الجميع لانهم احلي اقسام ف الفيوم

ههههههههههههههه واضح ان الناس كلها كانت عاوزة تمشى برة الفيوم على فكرة انا كنت من ضمن لكن للاسف كنت اظن الطريق سهل لكن اتقرصت بس الحمد لله وانا بفكر تفكير جاد انى ادخل مدنى لانى بسمع كلام كويس عنها خاصة من الفيوم اما كهربا فالقاهرة وحلوان احسن بكتييييير من الفيوم فى الاقسام التانية

علي فكره الخروج مش جميل كده بس كله عاوز يخرج بره الفيوم وانا منهم وله مميزاته وعيوبه اكتر
بس
القلب ومايريد

وربنا يوفق الجميع

محدش فيكم هيخرج بره الفيوم
واتحدى اى حد فيكم يحول لجامعه تانيه
كله كلام
والايام بيننا

يا جماعه انا نع عبدو مدنى هى مدنى كنج كليه هندسه

على فكرة يا عبدو اى حد يقدر يحول برة الفيوم وبسولة جدا جدا انا كان حلمى انى احول القاهرة لكن الحمد لله واسال السيسى على التحويل لان حول للقاهرة فى اول السنة لكن مارحش