كرسى الاعتراف

ياجماعه انا متأسفه جدا لانى مبدخلش بقالى اليومين اللى فاتوا لانى بجد كنتsick و بعتذر كمان مره
و بالنسبه لنونا الله يسامحك اموت و اعرف انا اذيتك فى ايه انا عماله احوشلك لحد امتى فى مراوح معلقانى كهربا بتكهربى بعنى بجد مش حرمانى من حاجه ابدا
ده انتى حسابك معايا اســـــــــــــــــــود

وبالنسبه للاسئله
م /على
ايه نظرتك للحب والرمانسية؟
يعنى تبقى ليها حدود يعنى مثلا متبقاش زياده لدرجه تخنق وانا بعتبر الحب ده جنون
2. هل حبيتى فى حياتك حب بجد او حتى مجرد اعجاب؟
ــــــــــــــــــــــــــــــــــــــــــــــــــــــ

3. يا ترى ايه مواصفات فتى احلامك؟
محترم ويفهمنى و عنده شخصيه

4. طيب ايه الحاجة اللى عمرك ما تقبليها انها تكون فى فتى احلامك؟
عديم الشخصيه

5. انتى اهلاوية ولا استغفر الله العظيم غير ذلك؟
لا اهلاويه ولا زملكاويه انا مبفهمش حاجه فى الكوره اصلا

بالنسبه بقى للى مبترحمش
ايه رايك فالمنتدى؟
كويس وبتعلم منه حاجات و بشوف ناس بتفكر ازاى وكده

مين اكتر واحده صاحبتك؟
هى(خلود ) مش معانا فى الكليه ولا الجامعه

يعنى ايه صداقه بالنسبه ليكى؟
يعنى حاجه جميله قوى و انا بحترم الصداقه جدا
ايه اكتر حاجه بضايقك فيا وايه اللى بيعجبك؟
اللى بيعجبنى فيكى زى اما قولتلك قبل كده يعنى مش معقده و رقيقه و دمــــــاغ وفى حاجه بس هى اللى مدايقانى هقولك عليها بعدين

وايه اكتر موقف دايقك منى؟
يمكن انا متعملتش معاك غير فى الترم التانى ويمكن اخره فمعملتيش حاجه دايقتنى منك و عارفه اكيد اللى انتى بتعملى معايا فى المنتدى هزار

ومين اكتر واحده صاحبتك فالدفعه؟
بعتبر شاهى (البت دى مغلباها معايا طول السنه) و43

و kind girl انا للأسف معرفكيش بس لو فكرتينى بحاجه معينه هعرفك
مين اكتر عضو بيعجبك رده ومواضيعه
انا بصراحه مش بركز جامد بس ممكن اقول
an engineerدماغها حلوه
مين اكتر عضو بتنتقديه
حقيقى مش عارفه ــــــــــــــ
ايه الصفه اللي انت مبتحبهاش في نفسك ونفسك تغيريها
التبلد و الغباء و بحس اوقات كتير ان الناس بتكهرنى و كتومه حبتين (انا مش فاكره الادول دلوقتى)

ايه هوايتك
مفيش حاجه معينه يعنى ارسم شويه شخابيط على كتابه على قراءه و ممكن اقلب المكتب او المكتبه و اشنع فيها ده مزاجى
ايه رايك في الاجازه
انا اتخنفت بحس ان الواحد فاشل زى اما يكون اتخرج ومش لاقى شغل وخصوصا انى الحمد لله مقضياها عند الدكاتره

وبالنسبه ل م/ بسام
الصور بحس انها بتعبر عن مزاجى ويمكن بحب الالوان وبتعجبنى بس

و م/نشوان
1- ناويه تعملى خير فى رمضان ان شاء الله؟
ان شاء الله ربنا يسهل
2- تقدرى تغيرى عيوب اصحابك ؟ لو ايوه يبقى ازاى؟
ممكن يعنى توصلهم بس بطريقه غير مباشره و ممكن اقولهم فى وشهم
3- اكتر حاجه بتحبى تعمليها فى الاجازة؟
اسمع راديو

4- اكتر مكان نفسك تروحيه؟
الصين
5- اخر مره قرأتى قرءان كانت امته؟
الاسبوع اللى فات بس انا بسمع اكتر من انى بقرأ علشان بعرف اركز

6- تقديرك ايه؟ وايه القسم اللى انتى عايزاه؟
جيد جدا و القسم همشيها اللى هدخله (عماره) ان شاء الله علشان انا كنت عايزه مدنى
7- لو مفيهاش احراج ياريت اسمع رأيك فيا من خلال المنتدى
انا قريت ردود قليله و مواضيع قليله برده بس من خلالهم ممكن اقول انك بتحب اصحابك فوى وحاطط لنفسك مبدأ ماشى عليه و محترم

حد يا جماعه يأمر بحاجه تانيه

في الاول الف سلامه عليكي يا قمر
ابدأ اسال واقول....

1*ايه حلم حياتك؟

2* ليه دايما بتحطي نفسك في مساحه صغيره جدااا وسوري بتقولي ع نفسك انك غبيه مع اني شايفه العكس تماامااااااا

3* لسه مازلتي بتفضلي الكليه عن البيت

4* ايه الحاجه اللي بتحسي انها نقصاكي

5* اتعرفتي ع حد وندمتي انك عرفتيه

6* امتي حسيتي ان شخصيتك ضعيفه
يالا سلام يا جميل كفايه عليا كده

الله يسلمك يا شاهى و ربنا يخليكى ومتبقيش تختفى كتير
وبالنسبه للأسئله
ايه حلم حياتك؟
ربنا يرضى عنى و اشتغل و ابقى جمب الناس اللى بحبهم

2* ليه دايما بتحطي نفسك في مساحه صغيره جدااا وسوري بتقولي ع نفسك انك غبيه مع اني شايفه العكس تماامااااااا
علشان انا فعلا كده واكيد كويس يبقى الواحد عارف نفسه و قدراته وبالعكس طول ما انا غبيه هحاول اتحسن لكن لو قلت انى ذكيه هعتمد على ذكائى و اقول مانا ذكيه بقى

3* لسه مازلتي بتفضلي الكليه عن البيت
طبعـــــــــــــا ومش عايزه اقولك يمكن من تانى يوم خدنا فيه الاجازه
4* ايه الحاجه اللي بتحسي انها نقصاكي
ان مديش لحاجه اكبر من حجمها و مزعلش على حاجه متستاهلشش

5* اتعرفتي ع حد وندمتي انك عرفتيه
لأ لان اكيد الواحد بيتعلم من اى حد يعرفه حتى لو وحش لأنى بعد كده هفكر مليون مره قبل اما اصاحب و اختار حد

6* امتي حسيتي ان شخصيتك ضعيفه
لما اكون بحب حاجه او اخد قرار وحد يدخل فيه باعتبار ان ده فيه مصلحتى و ابقى فعلا مش قادره ادافع عن الحاجه دى

شكرا يا اريا عالاجابات الجميله دى

وبعدين الكهربا والتعليق والشغل ده عشان بحبك يا بنتى
وبتوصى بيكى زياده
وشكرا قوى عالطلب اللى طلبته منك ونفذتيه

بس اموت واعرف مين 43
انا اعرف501 بس
وايه اللى بيضايقك منى
ياريت تردى عليا برساله

طلب ايه وهبعتلك رساله حاضر بس 43 انا مش عارفه انتى مش عارفاها ازاى انا قولتلها قبل كده وانتى كنتى موجوده

لو ياجماعه خلصتوا اسئله اتفضلوا اسألو البشمهندس اللى انتوا كنتوا مختارينو

مممممممممممممممم

يعنى دلوقتى هنسال محمد عبد الله اللى ملقب بـ دارك نايت

المفروض اريا تختار حد

انت ما شوفتش هى قالت ايه؟؟؟؟؟؟؟؟؟

انا بقول اللعبه تمشى طبيعى واللى يتسال يختار هيا قالت كده علشان انتوا قلتوا هيا الاول وبعدين دارك نايت على العموم واد

عادى والله يا جماعه انا اصلا لو هحاول اعرف مين اللى لسه ههنج و اكيد انتوا قدرى منى

متشكرين يا عم علوه علي حلقة التكاتك الي انت عملتهالي دي ( ليدز فرست يبا محمد عبدالله ) هههههههه

وعلي العموم سؤالي للعضوه arya

ايه اكتر نوع من العربيات بتحبيه ؟

هو بصراحه انا ما شاء الله عليا فاصله فى حاجات كتير من ضمنها العربيات بس كان فى عربيه كده بقالها كتير كان اسمها *4 4)دى يمكن اخر حاجه اعرفها فى العربيات)

طيب انتي مش متابعه ولكن الناس في المنتدي بيحطوا صور سيارات جميله وعلي العموم حصل خير

ولكن بتستعملي خلات سنان ولا جيل ؟؟؟؟؟؟؟؟؟؟؟؟

مع التعليل

ههههههههه

مين دول هما لو ليهم علاقه بالاسنان (ده على حسب اما فهمت)يبقى لا ده ولا ده لانى بستعمل واحد تانى و التعليل علشان تبع علاج اسنانى
وانا فعلا مش بدخل قسم العربيات نهائى

ليه مش معاكي رخص متخافيش مفيش لجنه ف يالطريق ولا رسوم ولا حته كلاب حراسه ههههههههههههههههههههههه

طيب يا ستي اكله شهيه وسمي الله قبل متاكلي هههههههههههههههههو

اكيد انا بهزر فالكلام مش علي محمل الجد

لا عادى طبعا محصلش حاجه

ايه يا جماعه الاسئله التافهه والسهله دى
لازم يكون فى اسئله محرجه وحساسه

1-هل اعجبتى بولد فى الكليه او بره الكليه قبل كده؟

2-لو ولد جه وقالك انه معجب بيكى هيكون ايه ردك عليه بالحرف الواحد فى الحالات الاتيه :
ا) انتى بتبادليه نفس الاحساس
ب) انتى مش معجبه بيه خالص
ج)متقدريش تحكمى عليه

3-ايه رايك فى صبيان وبنات الدفعه (ايجابيات وسلبيات)؟

4-اول حرف من ارخم بنت فى الدفعه من وجهه نظرك ؟

يلا كفايه كده

لا الواد دراجون ده معدى خالص اسئله فالصميم