حبيبي أوعي تسيبني

حبيبي خليك معايا
خليك دايما جنبي
روحك تنور دنيايا
بحبك من كل قلبي

ليه عايز تسيبني
ليه عايز الوداع
ليه عايز تجرحني
بعدك هعيش في ضياع

ده أنا قلبي وعقلي معاك
صعب في يوم أنساك
ده أجمل لحظات حياتي
بتكون وأنا وياك

بعدك ما اقدرش أحب
بعدك مافيش أماني
بعدك ماليش قلب
يقدر يحب من تاني

أصل حبك محفور في قلبي
صعب حد يمحيه
أرجوك أوعي تسيبني
ده جرحك صعب أداويه

ايه يا عم الحلاوه دى يا عم اتش
انت مكانك مش هنا
انت مكانك طبعا هنااااااااااااااااك

فل عليك يا اتش
موضوع زى العسل

يا ابنى طب ما تلحنها وتديها لتامر ولا لعمر ولو اتزنقت خالص اديها لبعرور ممكن يعمل بيها شغل بردو

ايه الحلاوه دي يا اتش هو نشوان بقع عليك وبقيت تكتب شعر
شديد لحنها وانا هغنيها مع نفسي مش قدام حد

ربنا يخليكم
وعلي فكرة أنا عمري ما كتبت شعر في حياتي
كنت زهقان فكتبت أي حاجة وده مش شعر يعني
مش محتاجة تريقة

اه انت شكلك اتعلمت التواضع منى وانا بهت عليك على العموم المثل بيقول علمناهم ال.........سبقونا على ال........

المثل بيقول علمناهم التواضع سبقونا علي المنتديات مش كدة
وأنا متواضع دايما من صغري يا...................

ايه ده يخرب بيتك ده شعر جامد جدا ينفع كلمات اغنية جامدة جدا
وطبعا انا اللي هغني وعلي يلحن وبسام يقسم وطبعا انت المؤلف
ونطلع نكسر الدنيا بيها




و.....فككم مني

شكرا ي desert storm أنا كدة هتغر هههههههههههههههههههه
بس فيه سؤال المؤلف ماحدش بيحدفه بالطوب مش كدة