انا هنا ليه

ساعات الانسان بيفضل يفكر ويقول هو ليه دخل كليه الهندسه دى انا والله نفسى اعرف احنا اتحكم علينا نعيش طول حياتنا كده وبسال نفسى لو الزمن رجع بيا هاعمل ايه هل مش هادخلها وده استفتاء اعرف بيه ايه رايكم

دي ماكنتش رغبتي لكن لما دخلت وفهمتها حبيتها
مش كدراسة لكن كشغل
كنت عايز أدخل علوم بس دلوقتي مش حابه

أنا دخلتها عشان .........................................

يا جماعة احنا دخلنا كلية هندسة علشان الكلام اللى كان بيتقال يعنى مثلا كان اى حد يقابلك يقولك انت فى ثانوى تقوله اه يقولك رياضة تقوله اه يقولك على طول طب شد حيلك علشان تدخل هندسة وبالتالى اتغرس فينا الرغبة دى من غير ما نعرف حاجة ولو رجعت بالزمن كويس اسال نفسك سؤال انت كنت بتزاكر ليه؟
انا عن نفسى كان حلمى انى ادخل حاسبات ومعلومات لانى مؤمن جدا بان العصر الجاى هو عصر الالكترونيات والكمبيوتر وكان حلم لكن للاسف اتحطم ولكن بيقولو ان اللى انا فيه احسن!!!!!!!؟؟؟؟؟؟

يا جماعه كليه هندسه احسن كليه من حيث الشغل و المكانه الاجتماعيه
واللى مش عجباه الكليه يحول سياحه او اداب وهيعرف الفرق

انت بتقول كلية الهندسة ........احنا بنقول هندسة الفيوم............هناك فرق

كلية الهندسة دي في ناس مستعدة تدفع أي حاجة وتدخلها
إحنا علشان فيها مش عارفين قيمتها
بس هي حاجة كبيرة جدا وأما نتخرج هنعرف

انامدخلتش المنتدى من كتير قوى وهارد على كل الكلام ده :

دراجون:انا لو الزمن رجع بيا كنت هاكتب حاسبات وانتا قولت كتير ان الكليه مش حلوه خالص خالص !!!!!!!!!!!!!
على : وربنا عندك حق فى كل الكلام اللى قولته هندسه الفيوم انا لو رجع بيا الزمن اختار بين هندسه الفيوم ومراجيح بلاد الواق واق كنت هاختار مراجيح الواق واق طبعا

doaaesa: لو ان الصيدله مجتش كنت ادخلى هندسه اى حته غير دى الفيوم هنسه اقاليم ده اقل سبب؟؟؟؟؟

طب يا على جرب الغربه وانت تعرف


لو لم اكن فيوميا ..... لوددت طبعا ان اكون اسكندرانيا لان هناك فى حاجات حلوه كتير

اوقات الغربة بتكون مفيدة وبعدين مش هتاخد قرش وانت قاعد فى بيتك وجنب الست الوالدة
صح ولا ايه؟؟؟؟؟؟؟؟؟؟؟؟؟

انا بقولك جرب وانت تعرف او اسأل مجرب
والله ما فى احلى من اكل البيت وقعده البيت
بره مفيش حاجه حلوه اطلاقا وكمان هنا فى اصحابك ولا انت بتفكر تسيبنا وتمشى

لالا انا مش بقول ساعة الدراسة انا بتكلم على الشغل فى المستقبل انا عن نفسى لو جتلى اى فرصة سفر هسافر بلا اى تردد

طبيعي أي حد لو جاتله فرصة برة مش هيسيبها

مفيش حد في أي مجال عايز يقعد في مصر دلوقتي

بس برضة الغربة هي الغربة حتي لو رحت أوروبا

يا جماعه الفيوم مش وحشه انتو الى شايفينها كده علشان بتبصو للاحسن مش للأسوأ فى حاجات كتير فى الفيوم كويسه

واحنا ليه نبص للأسوأ

والفيوم برضه مش وحشة ومش حلوة يعني وسط

والدراسة فيها أسهل من القاهرة وحلوان واسكندرية بكتير

بس هناك بتحس يعني إيه جامعة فعلا

وشكرا علي مشاركتك

على فكره يا جماعه الفيوم افضل من محافظات بحرى واسأل اللى راح هناك
الفيوم مثلا افضل من السويس ودمياط وبورسعيد كمان والدلتا
انا رحت بورسعيد ودمياط وشفت وليا اصحابى فى السويس قالوا نفس الكلام
انتوا بتتكلموا وخلاص من غير تفكير مالها الفيوم
انتوا عايزين ايه يعنى

ثانيا يا بسام انا قلت الدفعه مش عجبانى مش الفيوم هناك فرق

على فكرة اللى على المنتدى اللى اسمه الشاطر ده فى الاسماعيلية ومبسوط جدا جدا وكذلك حلوان والقاهرة والمطرية

يا رجااااااااااااااااااااااااااالة مش هتحسوا بقيمة الكلية الا بعد ما تتخرج وتبقى حر لو اتخرجنا
على فكرة العيب مش فى كلية الهندسة العيب فى هندسة الفيوم وانتو داخلين الكلية علشان تكلموا بنات مش تتكلموا

كركركركر
هانحس بقيمه الكليه انا لو هاشتغل مهندس فى جهنم ارحم من انى ادرس فالكليه دى الدراسه مش صعبه بس الجو بتاعها يقتل ده احنا معانا ناس حراااااااام انهم يكونوا بنى ادمين واكيد اللى فى دماغى دول اكيد فى ناس برضوا شايفانى كده بس الحمد لله على اللى احنا فيه

انا عارف ان الكلية فيها ناس بااااااايخة اوى لكن تخيل كدة يا بسام لو كنت فى مكانى قبل ما احول الفيوم يعنى فى المطرية لوحدك وما حدش معاك من اصحابك ومش فى بلدك يعنى لو هيدرس معالك عمرو دياب واى حد مشهور زى العالم الدكتور الرائد السيد الرئيس\ على كمال بردو مش هتبقى مبسوط