ايه اخبار الدكاترة والمعيدين ؟؟؟؟؟؟!!!!!!!!!!

افضل دكتور من حيث الشرح هو الربيعى لان الراجل ده عنده ذمه وضمير
وافضل دكتور من حيث الشخصيه سامى البدوى لانه مش مادى وبيدى لكل واحد حقه وامتحاناته كويسه مسائل سهله ما عدا مسألتين للطالب المتفوق يعنى قمه النضج العلمى

اسوأ دكتور هو حازم لانه معندوش ذمه ومش بيشرح كويس وانا مش بحبه لله فى لله

افضل معيد بصراحه حجاج بتاع الرسم و اميره دى غلبانه و ابراهيم فلافيو والله راجل كويس بيشرح حلو ولو طلبت منه حاجه هيقولك

اسوء معيد هو لوقا طبعا هو باين من اسمه وبعديه سومه لانها رخمه شويه

والله كلام كويس يا دراجون

انا شايف دكتور دكتور سامي بيمثلي الدكتور الواثق وصاحب الشخصية مع إني حاسس إنه مغرور
وشايف إن الدكتور الربيعي طيب جدا وإبن بلد

وشايف أفضل دكتور دكتور حازم راجل دماغه عاليه وأفضل معيد الي بيدي سكشن نظري تكنولوجيا الأنتاج مش ليا لسكشن تاني حضرت معاه مره وكمان باش مهندسة أميرة

وأسواء دكتور رامي من حيث المعامله أظن عايز حد يصقفله على طول
وأسواء معيد مهندسه منه قمة الرخامه والظرف

بالنسبة لي أنا شايف أحسن دكتور من حيث الشرح سمي البدوي
ومن حيث الشخصية مصطفي رضوان متواضع جدا لابعد الحدود
وأسوأ دكتور رامي حاجة تخنق كدة ومش شايف غير نفسه
وأحسن معيد أحمد عبد اللطيف وسومة في الشرح إنما في المعاملة خنقة
والأسوأ أكيد لوقاوشريف
وإبراهيم يعني وسط بس خنيق قوي في المعاملة

والله انا شايفة ان كل دكتور ليه مزايا وعيوب بس بصراحة الدكتور اللى مزاياه بتغلب على عيوبه هو سامى اما المعيدين فكلهم خنقة بس بالنسبة للشرح سومة حلوم وكارم كويس ومنة تعتبر حلوة

بصو يا جماعة هو الدكتور سامى مثال لشخصية الدكتور وبالنسبة لحتة الغرور دى لازم لانه بيدى فى جامعة اقاليم يعنى لو شوفتوه فى محاضرة فى الجامعة الامريكية هتلاقيه عادى جدا ***** اما مصطفى رضوان بصراحة دا من وجهة نظرى الدكتور المثالى بس ينقصه شوية قوة فى الشخصية لانه متواضع جدا وطيب لابعد الحدود وفى ناس بتفسر ده ضعف منه
اما الباقى زى بعضه حازم والربيعى والشناوى وعبد الكريم ******اما رامى ده بالذات دا ارخم دكتور على مستوى الوطن العربى واوروبا وعلى المقيمين خارجها مراعاة فروق التوقيت رخم فى كل حاجة (شرحه ، معاملته , كلامه , صوته)
اما المعيدين احسنهم عبد اللطيف بس مغرور شويه واسؤهم لوقا ومنة لانها بتطردنى من غير ما اعمل حاجة والله .

يه يا عم فيلم الخطايا اللى انت عايش فيه ده

بس خالد ده انسان مش محترم خالص بمعني الكلمه

خالد مين؟؟؟؟؟؟؟؟؟؟؟؟؟؟؟؟؟

لالا هو الحق يتقال ان الربيعى كويس لكن انت يا سام مازاكرتش وبعدين ما انت عارف ان فى ناس السنة اللى فاتت نزلت على درجة !!!! انا متفائل صح؟

يا بسام انت شايل كل المواد جات يعنى على الكيميا
خليك كووووووووووووووووووووووول
انتوا ليه كلكم جايين على جدو رامى ده بيفكرنى بفيلم الموميا الجزء الاول
عارفين الموميا كان هو التابوت بتاعه
هههههههههههههه
اوعى حد يروح يقوله الكلام ده

هههههههههههههههههههههههه

ياجماعة والله دكتور رامى طيب من جوا

بس هو كلامه رخم

طيب و رسمي جدااااااااااااااااااا وبيحب يرزل ويغتت عليه ليه مش عارف انا بالذات

هو مبيكنش قاصد حد بعينه

هو الطالب اللى بيشوفه
يقوله انت ياطالب
برة
وهات الكارنيه بتاعك
بس

هو طيب بس تعامله معانا قديييييييييييييييييييييييم اوى
بيحسسنى انه بيتعامل مع ناس بطرابيش ايام الملك محى الدين ابو العز

يا عم دا عنده فرق توقيت عالى جدا انا خايف فى يوم ييجى راكب عجلة حربية ولابس جلبية وعمة وحاطط سيف فى جنبه ويدخل علينا يقول السلام عليكم يا اهل الهندسة

لا ياعم احتمال تلاقيه جاي بجمل ورابطة علي باب زراعة
ومعاه سرة من الدنانير
هههههههههههههههه

هو من ايام الطرابيش مش من ايام الهكسوس فى فرق فى السرعات

يا عم دا هو اللى رسم المساقط لبناء الهرم وابو الهول كمان

يا جماعه كفايه الملك رامى الرابع عشر مش وحش للدرجه دى ده ابن تيت والله لو حد من المنتدى التانى بلغ هانروح فى داهيه