هام لى ولكم " سنحيا بالقرءان"

رمضان شهر القرآن ، والقرآن هو نعمة الله لهذه الأمة. والقرآن كما وصفه الله تعالى هو نور ورحمة وهداية وشفاء، ولا أمل لهذه الأمة إلا بفهم القرآن حق الفهم. وفي برنامج قصص القرآن هذا العام يشرح الأستاذ عمرو خالد قصة موسى عليه السلام ، وتشكل هذه القصة ما يقرب من ربع القرآن.
ومن أجل ذلك اخترنا أن نستفيد من هذه الفرصة العظيمة لنحيي لدى الملايين حب القرآن والتعامل معه من خلال حملة سميناها سنحيا بالقرآن.
حملتنا تهدف إلى أن جمع ملايين من شباب ونساء الأمة حول القرآن ووضعنا مستهدف هو الوصول إلى 10 ملايين ختمة من بين متابعي البرنامج.
سنضع عداد لتجمع هذه الختمات. وحتى يكون الهدف قابل للتحقيق ،وليبقى باستمرار هناك تذكير للملايين بحب القرآن ، وضعنا بوستر يحمل هذه الفكرة ليطبعه الناس ويضعوه في كل مكان ، كل من سيقرأ هذا البوستر سنحصل نحن على الثواب لأن كل من سيراه إن شاء الله سيقبل على القرآن.

عدد الختمات حتى الآن 3259

طبعا دى دعوة يا جماعة او ممكن تقولوا حملة اقامها الاستاذ الجليل عمرو خالد عشان نحاول كلنا نختم القران فى التلاوة كذا مرة السنادى فى رمضان

وما شاء الله زى مانتوا شايفين وصلوا لحد 3259 ما شاء الله فى اول 5 ايام فقط ويا ريت كل اللى على المنتدى يحاول يكون منهم ويزود الرقم وادينا فى اجازة مش ورانا حاجات كتير وانا عن نفسى بحاول وان شاء الله يزيد العدد

متكسلوش يا جماعة رجاااااااااااااااااءا وحاولوا بكل جهدكم من اجل الله والرسول وجزاكم الله خير وممكن احسن كمان تبلغوا كل اللى تعرفوهم ونبقى كلنا بنتنافس فى طاعة الله وحب القران

واللى ان شاء الله يكمله كله تلاوة ممكن يدخل على اللينك ده ويسجل ختمة

http://www.amrkhaled.net/khatma

واهو منه بردو تعرفوا تنزلوا بوستر الحملة لانى للاسف مش عرفت انزله

وعقبال ما كلنا نختمه اكتر من مرة

ولا تنسونى والمسلمين والاقصى من دعاؤكم

ومتنسوش تخلوا شعاركم فى رمضان السنادى """ سنحيا بالقران"""

والله فكرة جميلة جدا يا نشوان بحييك عليها
جامدة كيك

انا كنت هقولكم على برنامج ا/عمرو خالد
بس انت سبقتني
ان شاء الله اختم القرأن وازود العدد
ويارب اهدى شباب المسلمين

ليكى الثواب بالنيه يا انجل
وجزاكم الله خيرا على المرور

موضوع جميل جدا

ويارب اختم كذا ختمة السنادى

جزاك الله خيرا

وجزاك الله خيرا
ويارب تقدرى تختمى اكتر من مره

يا رب وموضوع خير يا نشوان
جزاك الله خيراً

بجد البرنامج ده جااااااااااااااااامد جداااااااااااا
وانا عن نفسي بحبه اوي
والحمله دي هايله جداااااااا
ع فكره العدد ذاد بقي 14542
ربنا يعز الاسلام والمسلمين

امين يا رب العالمين
ويارب يزيدو كمان
وان شاء الله اكون واحد منهم

زائر

الشيخ محمد حسان يرد على عمرو خالد

الشيخ صالح بن محمد اللحيدان يرد على عمرو خالد!

تقرير عن عمرو خالد

زائر

https://www.youtube.com/watch?v=7UVKxftWPzg&feature=related
الشيخ وجدي غنيم يرد على المدعو عمرو خالد

زائر

واخر دعوانا ان الحمد لله رب العالمين وادعو الجميع الى مقاطعة هذا الرجل الفاشل الذي لا يفقه في الدين شيئا

انا متفق معاك جدا يا نصر الله فى كل كلمة انت حطتها هنا وانا بصراحة
مش بستريح ليه اوى لكن احنا ما يهمناش مين الشخص اللى بيدعو اننا
نختم القران ده ممكن يعمله اى مسلم انه يعمل عداد ختم القران

زائر

انت بالطبيعه المفروض تختم تاقرن مره في الشهر العادي ما بالك برمضان
ثانيا في ناس ممكن تنخدع فيه لما يعمل حاجات زي كده فانا قلن احذر الناس اللي متعرفوش على حقيقته منه

علي فكرة هو ليه اخطاء كتير بس الله اعلم ان كان ده بقصد منه ام هذا نقص علم عنده ام بالنسبة لدعوته لينا لختم القرآن فده خير وانا علي العموم بسمع لاي حد وباخذ منه الجزء الصالح واترك الخط

تمام هو ده اللى انا اقصده يا سيسى ان احنا بردو بنى ادمين وعندنا عقل يعنى عارفين الصح
من الغلط ولازم نميز كل واحد بيقول ايه وما ناخدش الكلام كله على انه صح

زائر

شكرا عالموضوع يا نشوان

اما بالنسبه م/ نصرالله واى حد بيهاجم الاستاذ الدكتور /عمرو خالد ربنا يكرمه ويعزه ويقويه على عمله الصالح ده ويكتر من امثاله وينصره على أعدائه إن شاء الله

فلا تعليق

زائر

بيتهيالى يا جماعة نصر الله ما جبش حاجة من عنده كلها فيديوهات وظاهر فيها عمرو خالد بنفسه
ومحدش هيستفاد شئ لما يهاجمه

زائر

جزاك الله كل خير على الدعوة الرائعة

زائر

نصرالله كتب:: واخر دعوانا ان الحمد لله رب العالمين وادعو الجميع الى مقاطعة هذا الرجل الفاشل الذي لا يفقه في الدين شيئا

انا فعلا مكنتش هرد بس لما لقيت العباره دى...............!!!

على فكره يا باشمهندس نصر الله دينا ماعلمناش ان احنا نسب او نشتم حد اكبر مننا
وخاصه إذاكان رجل صالح يدعو الى الاصلاح والخير

وكل الشيوخ اللى بتهاجم د/ عمرو خالد دول غيرانين منه لانهم مش عارفين يحققوا اللى الدكتور عمرو خالد حققه ولا هيعرفوا
مع احترامى لكل الشيوخ دول وكلامهم رائع وعلى راسى
وكل واحد ليه دور
وهما للأسف مش فاهمين د/عمرو خالد ولا هيفهموه لانهم حاطينه فدماغهم
وطبيعى جدا اى انسان يجى يعمل خير يلاقى اعداء ليه
شوف الانبياء كلهم كانوا بيعانوا من ضرر الكفار بيهم
طبعا مع الفرق مابين الانبياء و د/عمرو
وإذا كان د/عمرو غلط فى معلومه دينيه ما...فهو اعتذر وخلاص
ولكل عالم هفوه
وعمر ما د/ عمرو ما رد على اى مهاجمه ليه
لانه عارف ان ربنا معاه وانه ماشى فالطريق الصح
ولو هو فاشل زى ما حضرتك وغيرك بيوقولوا مكنش ربنا كرمه كده
وياريت لوسمحت بعد إذنكوا اللى ليه رأى فى حد..... يحتفظ بيه لنفسه احسن
عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيراأو لي..) رواه البخاري و مسلم .

بصى يا نونا انا بصراحة اول مرة اعرف حاية ان الاستاذ عمرو خالد بقى دكتور
وجملة نصر الله دى هنعتبر انه مبالغ فيها وغلطان لكن الفيديوهات مش غلطان
وبيتهيالى استحالة استحالة استحالة الشيخ الفاضل محمد حسان يغير من الــــ د/ عمرو
واحنا ما قلناش حاجة احنا قلنا ناخد الكلام الصح اللى بيقوله وخلاص اما الغلط فملناش دعوة بيه

زائر

ازاى يعنى يقول على الرسول فشل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هوا مينفعش نهجم عليه بس كان اعتذر ولو عمل اى حاجه لما هوا وداعيه اسلاميه يعمل كده امال لو كافر بقى

زائر

واديك عرفت انا كمان معرفتش الا من قريب
والحمد لله انه بقى د/عمرو لانه مش اقل من اى حد

ومش فاهمه ازاى الشيخ محمد حسان يغير من د/عمرو؟؟؟؟
واصلا هما الاتنين على راسى من فوق والله
مش معنى انى بدافع عن د/ عمرو انى بكره بقيت الشيوخ الافاضل اطلااقا
كلهم شيوخ ربنا يعزهم ويكرمهم
بس استغربت جدا من مهاجمه الشيخ محمد حسان!!

واصلا الشيوخ دلوقتى بقوا واقفين لبعض عالواحده وكل واحد بينتقض التانى وحاجه قرف
sorry
وبالنسبه للفيديوهات فأنتوا ادرى بيها
وكل واحد يحكم عقله

عالعموم الاختلاف لا يفسد فالود قضيه

وياريت زى ماقلت محدش يغلط فحد وكل واحد يحتفظ برايه لنفسه
وزى ما بيقول على احنا ناخد المفيد

واسفه عالازعاج

زائر

ياريت تتفرج عالحلقه كامله يا بسام وبعدين احكم

وبعدين لو هوه قصده عالرسول (عليه الصلاه والسلام )كده
مكنش سمى البرنامج على خطى الحبيب!!

» حسنى عبد ربه: الإتحاد الأفريقى ظلم "مصر" قبل أن يظلم "أبو تريكة" !
» الهداف الجزائرية: مطربة "الإغراء" تجدد مساندتها لمنتخب "الساجدين
» سيرجيو بسكويتس يكشف عن سر "وشم" ذراعيه المكتوب باللغة العربية ..
» إيقاف اكيلي صاحب واقعة "الشورت" أربع مباريات
» صحيفة إيطالية تسأل: هل "السجدة" وراء فوز المنتخب المصري؟