موضو هام جدااااااااا ادخل وقول رايك

بسم الله الرحمن الرحيم

اهلا با اخوانى واخواتى اعضاء المنتدى بجد وحشنى المنتدى واعضائه

ادخل فى الموضوع

طبعا كتير منا طبعا اللى مشترك فى خط فودافون وخد ال 1000 رسالة هدية

بدا يبعت رسايل ويستلم رسايل

المهم من ضمن الرسايل اللى لقيتها اتبعتتلى كتير من ناس كتيرة

والقصد منها انهم يكسبوا ثواب

قول لا اله الا الله وابعتها ل 8 اشخاص وهتسمع خبر حلو

حاجات من دى كتير

ابعت ان اللى كتب عن الرسول وسبه مات وانت خلال ساعتين هتحصلك حاجة كويسة

ولو معملتش استنى مصيبة

ياجماعة احنا مثقفين ومتدينين فى الاول والاخر

يعنى مينفعش نبعت الرسايل دى دى غلط

ربنا اللى اعلم باللى هيحصلنا

ممكن اه نبعت بس من غير من نقول وانت هتحصلك حاجة

ولا بعد خمس دقايق هتلاقى عصفورة وقعت عليك من السما وفى بوقها دهب

هههههههههه

ياريت اسمع ردودكم وياريت يكون موضوع هادف ومفيد

بصراحة موضوع جامد جداااااااااااااااااااااااا يا لى لى
أنا عن نفسى مشتركتش علشان معرفتش الحكاية دى الا متاخر
فى رأيى ان الشركة هى اللى عاملة الحركة دى
ومبعتش لحد خالص رسالة فيها ابعت لعشرة أشخاص
أصلى كانت كل رسالة تيجيلى أكتر من 8&9 مرات وهم كانوا أكتر من 20 رسالة على نفس النظام ده
يعنى لو هبعت يجى أكتر من 1000 رسالة اللى بتقولوا عليها دى
وطلعت أذكى منهم بعتهم على الميل بس من غير الجزء بتاع ابعتها لعشرة يعنى علشان الواحد يعمل حاجة كويسة
بس أنا مش بعتقد فى الكلام ده

انا الحوار ده بيحصل معايا فالاميل الاقى الرسايل وفى وسط الكلام يحلفك انك هاتبعتها

وانا طبعا مش موافق على الهجس ده

اه فعلا كلامك صح جدا يا ليلى واكتر حاجة بضايقنى ان حد يبعتلى حاجة على الميل وفى وسط
الكلام يحط قسم ويقولى بعد كدة انت اقسمت لتعمل كدة
دى بجد اكتر حاجة بتخنق منها

ايوه يا لي لي فعلا الرسايل دى بتتبعتلى ع الموبايل وع الميل بردو
لكن بحس انه هجس وكلام ملهوش لازمه خالص لا هيقدم ولا هيأخر
وحد يبعت ويقول انه شاف الرسول وبلغه انه يوصل سلامه للمسلمين
ولوموصلتش الرساله لعشرين واحد هتحصلك مصيبه.........!
انا الريدى بمسح الرساله خالص من ع الموبايل
وبما انى معايا 1000 رساله ممكن بستغلها
فأذكار او صلاه ع الرسول (عليه الصلاه والسلام) كده يعنى
وشكرا ع الملحوظه
صدعتك مش كده!

انا فعلا اتبعتيتلي الرسايل دى كتييييييييييييييير
بس كنت بقرأها وبعدين امسحها ومش برسلها لحد
وعلى فكرة حكاية ان الرسام اللي اساء للرسول وبعدين مات سمعت انها كدبه
وان في مواقع علمانية هي اللي بتنشر الحاجات دي
والله اعلم

وانا برده بتبعتلى الرسايل دى وكمان رسايل انك تترحمى على حد ميت و كده لكن محدش بيبعتهالى على الموبابيل علشان هما منحسين و محدش فيهم كسب العرض بتاع الرسايل ده والباقى جلده بس بصراحه مش ببقى عارفه ابعتها ولا لأ

يا جماعة الموضوع ده غلط وحرام انك تعتقد ان شئ غير الله ممكن ينفع او يضر يعني لما يقولك في الرسالة اذا بعتها هيجيلك خير كتير وده طبعا حرام شرعا لان لاشئ سوي الله ممكن يجلبلك الخير اما لو بعتها بغرض اخذ الثواب فده اجره عند ربنا كبير وانا اسف علي الإطالة

شكرا للردود والتفاعل الجميل

انا بضايق حتى لما حد يبعتهالى

وبمسحها على طول

ياريت اللى يتبعتله الرسايل دى

يقول للى بعت ان

كدة حرام

وربنا يهدينا

فعلا معاكى حق يا لى لى
بجد الموضوع ده بيبين قد ايه ان فى ناس مش بتفكر حتى قبل ما تبعت الرساله وكان الرساله جايه من حد مكشوف عنه الحجاب
المفروض اننا اكبر من كده واعلى من كده
يارب اهدى الناس دى وارحمهم برحمتك
ومشتكر يا لى لى على الموضوع ده واسف لانى اتاخرت فى الرد

أنا لما بتجيلي الرسالة دي أول مابشوف ارسلها بمسحها علي طول من غير ما اكمل
وده مش موضوع جهل أنا سمعت شيخ حرمها لان ده يعتبر اسراف وتبذير واهدار للمال فيما لايفيد

شكرا لردك ياهشام

انت ونشوان