اغرب موقف ممكن يحصلك فى حياتك

زى كل يوم رايحة الكلية بس المرة دى صاحبتى مش معايا وانا رايحة وركبت العربية والطريق بيبقى طويل ورخم اما بقرا فى كتاب او بسرح فى حد او بقول الازكار وقاعدة فى امان الله فى العربية
بس قعت جوا خالص عشان مفيش حد يقولى لو سمحتى ادخلى ولا اطلعى
وشوية ودخل ولد شكله كدة قدى او اكبر من بكام سنة بس انا معرفهوش
وراح قعد قصادى وقولى ازيك يابشمهندسة انا استغربت انا معرفهوش قولتله هو حضرتك تعرفنى
قالى اعرفك اكتر من نفسى وقعد يحكيلى حاجات عنى كتير وبعدين عملت نفسى مش مهتمية
وطلعت كتاب الرياضة وقعت اقلب الصفح راح قايلى مبرؤك درجتك بتاع الميد ترم
ده كمان عارف درجتى انا كنت عايزة اشد فى شعرى
بس قعت ريلكس لحد ما قلى ازى الجو بتاعك وقالى الاسم
انا بصيت حوليا على الناس اللى فى العربية لقيت كل واحد فى حاله
انا بصيت وزهلت وهو فعد يضحك
رحت مزعقله انت مين
قالى انا
وضحك
قالى هقولك بعد شوية
وقعد يحكيلى عن مواقف حصليتلى لا يمكن حد كان يعرفها
وانا عاملة نفسى مشغولة بالكتاب
لحد ما قال موقف غلط رحت قايلة الموقف ده محصلش كدة
راح ضحك وقالى ما انا عارف بس انا بتاكد انك بتسمعينى
انا قاعدة بكلم نفسى وقول ده انا لو كنت فى حلم اتوقع
انه يقولى انا ضميرك
وبعدين انا حسيت هزة صغيرة
وبعدها حسيت ايد اتحطت على ايدى
بصيت وانا فى قمة الاستغراب

لقيت ماما بتقولى حبيبتى انتى مش رايحة الكلية

ههههههههههههههههههههههه
ده حلم محلمتهوش
من تاليفى
ههههههههههههههههههههههه

زائر

يعني المفروض نضحك ولا نعمل ايه يعني
لو انا رخم زي ما بتقولي هيكون ردي كده
ولكن

عشان انا رخم فعلا هسيب ردي كده

هههههههههههه

بصراحة كده انا عندى سؤوال لولبى:
والسؤال كالتالى...... علل(اى افصح)
يعنى ايه حلم محلمتهوش
طب ازاى حلم وانتى محلمتهوش
هههههههههههههههههه

بس صراحة الموضوع زى الفل

زائر

مش أنا قلتلك يبقى تتغطى كويس
هههههههههههههههه

شكرا لردودكم الجميلة

بس يا نصر الله انت اللى خلتنى اخد الفكرة دى عنك

وانت اللى تقدر تغيرها وانا فلت انك رخم عشان ردودك مش حلوة

واسفة انى قلتلك الصراحة

وكمان مطلبتش منك تضحك او لا

يراحتك ياعم

وشكرا لدخلولك موضوعى اصلا

هههههههههههههههههههههههههههه
لا حلوة وفيها فكرة وممكن تنضمى اوى اوى لجمعية البرود اولا بعد الموضوع ده دا انتى يا شيخة خلتينى اندمج كنت مستنى تقوليلى لقيت عفريت علاء الدين الى كان قدامى بس عنى سؤال العربية اللى ركبتيها فى الحلم كان رقمها كام؟؟؟؟؟

كويس عانا في الكلية مؤلفين عظماء زي البرنسيسة

بس ممكن اعرض عليكي فكرة

ليه ما تعمليش لنفسك مذكرات تكتبي فيه كل اللي في نفسك وتفكي عن نفسك

وترحمينا من حكاياتك دي ؟!!!

الله يسامحك

طبعا بهزر معاكي

و.....فككم مني

لالالالالالالالالالالالالالا اوعى تسمعى كلامه يا برنسيسة دا انا من قصة واحدة كنت هموت امال المذكرات بقى هعمل ايه ؟؟؟؟؟؟؟؟
ههههههههههههههههههههههههههههههههههههه

لالالالالالالالالالالالالالا بجد تعليقه جاااااااااااااامده جدااااااااااااااااااا

وايه الاشتغالات دي بس كنت حاسس ان في حاجه غلط من الاول لان شخصيتك( من خلال كتباتك ) ماتسمحش بالمبالغه دي

وعلي العموم دي في الجون

من ساعة ما قريته في الأول قلت ده تأليف مش حقيقي لأنه زاد عن حد الطبيعي
بس كويس إنك ذكرتي إنه مش حلم علشان إدعاء الحلم هو إفترأ على الله

وقال تعالى " ومن أظلم ممن إفترى على الله كذبا أو كذب بأياته "

شكرا ياجماعة عى ردودكم

والله الفكرة جاتنى وانا فى العربية فقولت

اهزر شوية

انما انا محلمتهوش

قصه كويسه بس ملهاش معنى
يعنى مفيهاش احداث
حدث صغير

انا اسف انى بقولى رايى بصراحه
اصل انا هنا الناقد الفنى

» أصعب لحظات حياتك
» ([ لاتدع حياتك تنهار بسبب رحيل انسان ])
» اغرب من الخيال
» اغرب المعلومات
» اغرب من الخيال