نكت سياسيه ...وربنا يستر معانا

علشان تبقى كملت النهارده

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟


موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى


واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض


بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا



سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت


في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى


كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح



مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم

يا جماعه انا مستنى الردود كمان ساعه لان بعديها احتمال اكون مليش وجود


الوداع..........الوداع.............الوداع

ريحتنا من نكتك العجيبة.

انا لسه عايش هههههههههههههههه ههههههههههههههههههههه

:lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!:

بجد المرة دي جميلة
أرحم من اللي فات
بس ربنا يستر عليك

انا لسه سليم ومش هارحمكم من نكتى ههههههههههههههههه


:lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!:

مانا قبل ما اموت هاكون حطيت كل انكت اللذيذه بتاعتى هنا وانا المشرف
يعنى هاتموتوا معايا

:lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!: :lol!:

الله يرحمك يابسام
كلية الهندسة هتفتقدك
هنعمل إيه من غيرك
احتمال تروح جوانتنامو
ههههههههههههههههههههههه

هندسه هى اللى هاتفتقدنى انا مش عاوز اشوفها تانى ولا اسمع عنها يارب اتخرج حالا واخلص بقى واقعد فالبيت واستريح

يا جماعه لكل واحد بيحب السجم والمغامرة والنفى والتعذيب يردهنا ويقول رايه

لأ جامد يا زملكاوي
بس قولي بتجيب النكت دي منين ؟

نكت جميلة جدا بس ان شاء الله هقولك على اللى هيحصلك

وانت قاعد بليل لوحدك فى الوضة لوحدك وقاعد على الكمبيوتر وانت مفهم ابوك

انك قاعد بتذاكر

هتسمع جرس الباب

هتقول مين محدش هيرد عليك

وبعدين تلاقى الباب اتكسر

ونازل منه شويه عساكر حلوين

من امن الدولة

وربنا معاك بقى

انا عارفة انك مع اول الم على وشك هتعترف

وانا على فكرة معرفكش

ومعرفش المنتدى ده

وانت ان شاء الله رايح فى داهية

قولوا امين

بااااااااااااااااااااااى

والقلب دعيلك

اااااااااااامين حتى يرحمنا من نكته اللى تجيب الجدرى دى هههههههههههههه

شكرا لردودكم وانا مش هايحصلى حاجه انا لما كتبتها كان من سيبر ههههههههه

بس اكيد انتوا قولتوا متعرفونيش بلاش تفضحونى بعد اول قلم .
لو بعد قلمين ممكن.......

آآآآآآآآآآآآآآآآآآآآآآآآآآآآآآآآآمين
آآآآآآآآآآآآآآآآآآآمين
آآآآآآآآآآآمين
لا تجيب الشلل مش الجدري

على فكرة انا عارف عنوان ورقم تليفون بيتك واكيد قريب هتلاقي امن دولة واخدك
والبلاغ من فاعل خيـــــــــــــــر



و.....فككم مني

هيغنولك ساعتها اصعب حاجه في العالم للعسيلي

ويقولولك تعرف بلادن
وتقول لا معرفوش دانا برن عليه بالعافيه
يقولولك اعترف الانكار مش هيفيدك وانت يعيني هتضرب لمل يبانلك صاحب واحنا محدش يعرف
يروحوا يشوفوا كلب يضمنك يعضهم ويعضك انت كمان ويطلع يجري يعدي عليه اتوبيس سياحي فاخر انا عارفه يقطعه
وبردوا مش هيسبوك

يعني مافيش أمل
ياعيني يابسام اهئ اهئ اهئ

السجن للجدعان ياجماعة

وواضح ان بسام جدع

والجبن سيد الالبان

ههههههههههههههه

يا جماعة بطلوا تتجمعوا على الموضوع ده عشان ماحدش زائر يخش يشوفه ويبلغ عننا
عشان انتوا عارفين امن الدولة مانعة التجمع اكتر من 3

هههههههههههه



و.....فككم مني

ايه ده هو الموضوع طلع بتاعى انا هاخد فاصل اوق فيه واصلح غلطتى انا مش حمل الضرب

يا ابنى انت لبست الليلة كلها بسلطاتها ببابا غنوجها بالوايت صوص كمان وهتوحشنا والله يا بسام بس لو خرجت ماتجييش هنا تانى :P :(